醉串 (已結業)

订左闲日放工时间，侍应提醒要准时，因为7:00开始会多人。6:45去到觉得中左伏，因为得一枱人。坐低facebook签到送小食，我地选左牛舌尖，唔太习惯牛舌系冻食既，味道淡淡地。想叫海胆同三文鱼，侍应话全部刺身都冇......之后叫左烧羊架、牛舌、帆立贝、海胆蚝、鳗鱼、蟹脚、烧豆腐、乌冬，部份串烧最少要叫2串起，我地得2个人所以种类选择唔太多。其中鳗鱼比较出色，烧得香脆；蚝都鲜味但略嫌被沙律酱抢左味，而且蚝上边果块海胆被烧熟浪费左(男友问我点解蚝上有海胆但冇刺身)；但其他串烧只系普通，蟹脚仲烧到干干地，以一间以串烧作为招牌既食店黎讲真系失望，而且价钱唔平，2人未食饱一半都要$6XX。P.S.到8:00开始终于多返D人，但都系唔使等位。P.S.侍应好多，但冇人主动加水。P.S.唔适合食晚饭，比较岩饮酒食2串野。