板長壽司 (彩明商場) (已結業)

新年拜年，嚟到调景岭呢边，离开时已经差唔多七点几左右，去到彩明商场附近，见板长寿司门口等位嘅人好少，就决定喺到吃埋先返屋企，差唔多夜晚七点半去到，唔洗三分钟就有位。 👍🏼叫左两碗天妇罗稻庭汤乌冬、腐皮稻庭汤乌冬，乌冬面不过不失，汤比较甜。豚拖罗手卷、软壳蟹手卷都几好吃。松叶蟹三文赤酢丼跟面豉汤，呢𠮶还好，三文鱼感觉唔太新鲜，而且等左差唔多半小时先上，面都差唔多吃完先嚟。大和炸鸡，鸡件好硬，无乜汁，薄薄嘅鸡片，有大约五件。唔好吃。吞拿鱼沙律军舰，寿司类唔记得咗影相，以前都有喺板长吃过，唔知喺转左供应商定点，感觉无以前咁好吃，口感有啲奇怪。而且吞拿鱼系一块块碎件，唔似以前咁好吃。而另一件油甘鱼，等咗四十分钟先上，隔离台迟过我地入，佢地叫咗一大堆寿司，我见到不停咁上，相反我地叫嘅「一件」油甘鱼寿司就足足等左四十分钟先上，半小时麻烦佢地帮手睇睇，但无回应，四十分钟后再叫，先帮我地睇。店舖入面无乜人，门口都无人排队，睇落唔算太忙，但上菜速度颇慢。和风蒸蛋，后期加单，今次几快上，但蒸蛋无以前吃嘅咁嫩，水量好似加少左，有啲「实」，无咁好味。