瑞記咖啡

营业中

休息中

之前见过啲人话瑞记系上环必食，于是就去抱住好大嘅期望试试佢，然后就失望而回啦。首先系西多士，炸就炸得几香脆，但系各种材料嘅味道完全唔和谐，炼奶嘅甜、牛油嘅香、蛋味，三样嘢嘅味道响个口入面好似系分开嘅，完全唔balance。另外，樽仔奶茶望落就好靓啦，但系奶味唔香浓，茶底唔靓。蛋牛治入面嘅炒蛋系暖嘅。火腿牛面嘅面可能浸得太耐所以完全淋晒，但牛肉用料比较好嘅。但我包算系比较可以接受嘅，因为入面嘅蛋仲系热嘅，而个包都脆嘅，但系我就真系讲唔出佢比起其他正常水准嘅茶餐厅有咩特别好食。所以𠮶日去到发现其实其他档口好似仲好生意过佢。我去𠮶日佢当口只系得一个人，所以有少少手忙脚乱，会想初赛同埋要等好耐。档口真系好有香港情怀，但味道就真系好一般。