Kim's Spoon (MegaBox) (已結業)

有一晚去咗九龍灣搵朋友食飯，傾住計行吓行吓就去咗MegaBox，結果就決定喺MegaBox食晚飯。當晚7:30左右去到餐廳門口，唔算太多人排隊，其實唔係第一次嚟呢間餐廳食，之前覺得食物質素都還好，可惜今次就令人好失望…我哋兩個女仔由於唔係太肚餓嘅關係，所以淨係order咗辣炒年糕配特選紫菜卷（$88）同埋醬油炸雞（$88）。可惜呢兩款食物質素相比以前都差咗好多，辣炒年糕上枱嘅時候係凍嘅，頂多係微暖😥 如果紫菜卷好似整咗好耐都未有人食咁😓 而個炸雞嘅粉漿都比較厚，外皮一啲都唔脆🤥 經過今次，應該唔會再揀黎食呢一間…咁嘅質素，收呢個價錢一啲都唔值🥺