星洲品味

营业中

休息中

其实呢一间位于山林道嘅星洲菜餐厅, 都已经开咗一段时间不过好嘅系长期人客都唔多。有一日经过附近, 见到完全唔需要等位, 因为一个人都冇, 门口贴著一啲杂志嘅介绍, 就即管畀一次机会佢试下啦。 净系睇餐牌的话, 正常人都会觉得唔会有问题啩 。只可惜事与愿违咗。 我哋今次叫咗招牌嘅海南鸡饭同埋另一个稳阵之选嘅巴东牛肉。 海南鸡饭真心差过任何一间快餐店, 鸡肉冻冰冰似系喺啱啱拎出嚟鸡, 冇鸡味都算数。 三款酱汁, 豉油有豉油味 , 辣椒酱只系一般樽装辣椒酱货色, 好难差得去边嘅姜蓉竟然完全冇姜味 。鸡油饭 只见油而不见香味, 但系一份海南鸡饭竟然要90蚊有多, 真系吓亲人 。至于巴东牛肉, 唔辣就算数。唔知厨师加咗啲乜嘢古怪嘅香料, 掩盖咗巴东牛肉应有嘅味道。 唔知系唔系因为牛肉唔够新鲜, 所以要用香料掩盖唔新鲜嘅味道, 但系都要七八十蚊一份 。结果两个人食两个主菜竟然食唔晒。 难怪呢一间星洲菜餐厅长久以来门堪罗雀。