阿四快餐 (已結業)

女人街的出名食肆比较集中在街尾，今日难得游走于女人街头果边，所以就拣左呢间未试过嘅「Uncle 4」，点知⋯ ⋯信错四叔喇今铺！我地拣呢间系因为场内较大，虽然正值晚饭时间，都仲可以即时入座，省却咗等位时间，所以就二话不说入咗去。一坐低，侍应连餐牌都冇俾，净系比咗两杯茶，要我地自己去隔离台拎。因为呢间系港式茶餐厅，所以先唔介意，但后来嘅食物质素真系令人不敢恭维，完全称唔上好食（详见下文）我地一共叫咗两个餐，一个系套餐价$55包饭、汤、饮品。另一个系单点饭$46，饮品另加$8。落单侍应话送多个汤比我地，咁我地都欣然接受，即管睇下佢个汤有咩咁巴闭，可以一个侍应就话到事免费送多个。罗宋汤嚟到时，卖相普普通通唔觉有咩特别，一用匙毕嘅时候就发觉异常的「杰身」，好似啱啱落茄膏冇几耐咁，最诡异嘅系，饮落淡如加左茄汁嘅清水，虽然睇落入面好多材料，又好鲜色，但饮落好淡好淡，果然系卖唔哂先咁慷慨送比我地吧！（随后听到四围嘅人都点忌廉汤，可能我地太黑仔喇，竟然拣著个唔好饮嘅汤）冇几耐就上咗个《杂锦海鲜炒饭》，颜色就鲜艳喇，但食落连基本嘅海鲜味都冇，期间仲要有另一个侍应发现上少咗粒带子，要拎去厨房加返。虽然诚实