麵屋神匠

营业中

休息中

之前经过见到呢间拉面舖 今日咁岩经过旺角就去试吓下就四点钟去食 有两三枱客 另外有两个Staff落咗场系吧枱度瞓紧 其余仲有两个Staff serve客我哋分别叫咗神匠番茄虾汤沾面 同埋浓厚虾汤沾面 个番茄虾汤沾面会跟罗勒叶酱法包 令我谂起喺日本新宿嘅五神制面所 同样都系番茄虾汤沾面 同样都配一个罗勒酱法包～两款沾面上枱个卖相都唔错 两个汤望落都好浓厚 但食落就完全另一回事 有三大个重点想同大家分享🤔第一 个汤之所以咁浓厚系因为打咗好多芡 啲汁会有拉丝嘅情况出现😵个虾汤系好浓味 但只限头一啖 个汤系无内涵无余韵 相信一个真正浓厚嘅汤系唔会咁样第二 块火炙叉烧薄到喊 两块都系咁 仲要烧到干争争 无焦香 但有焦😅 从来未食过一间拉面舖𠮶火炙叉烧喺薄到咁第三 侍应帮沾面汤加汤时 倒汤嘅方向系向住我 结果弹哂啲汤去我条裙同袋到😅日本人注重细节 之前食嘅任何一间拉面舖 无论咩价位都好 都会有基本嘅服务同礼仪 食物质素对得住价钱 但呢间野好失望 碗面唔平 但食物质素好差 服务又差 相信前面𠮶啲好评有啲亦唔可信😅