影片
更多
2021-12-05
1761 浏览
【尖沙咀】La Vache 同朋友庆祝生日，拣咗呢间装修带点田园风情嘅扒房，La Vache系法文，意思系“𠮶只牛（The cow）”，从舖名已经睇得出系专门食牛扒。Lunch set只有一款，USDA Prime 10oz肉眼扒 $398，或者+$118升级为14oz。套餐包括沙律、无限量供应薯条、甜品。✨香脆核桃沙律有核桃同萝卜仔，健康得嚟好开胃。✨USDA Prime 10oz肉眼牛扒 嗌咗medium同medium well，一早切好晒，上到枱已经见到入面粉嫩嘅颜色，煎得岩岩好。牛扒会放喺一个有蜡烛嘅架上面keep warm，呢个位好细心，欣赏！肉质方面就有失水准啦，虽然煎得好靓，但食落鞋口，肉味还好，食唔出系高级嘅扒。另外薯条建议快啲食，好快滩冻晒。虽然系任食薯条，但我同友人都系小鸟胃，一份薯条都食唔晒。✨当日甜品有4款选择：红莓慕丝蛋糕、朱古力海绵蛋糕、柠檬挞同拿破仑。我哋拣咗红莓蛋糕同朱古力蛋糕，老实讲两款都唔好食。不过上甜品嘅时候staff会唱生日歌，好有气氛。呢餐一人一个set加杯野饮，埋单$1000，唔算平，水准亦去唔到呢个价位，个人嚟讲回头率系零。*温馨提示* 餐
同朋友庆祝生日，拣咗呢间装修带点田园风情嘅扒房，La Vache系法文，意思系“𠮶只牛（The cow）”，从舖名已经睇得出系专门食牛扒。
Lunch set只有一款，USDA Prime 10oz肉眼扒 $398，或者+$118升级为14oz。套餐包括沙律、无限量供应薯条、甜品。
✨香脆核桃沙律
有核桃同萝卜仔，健康得嚟好开胃。
✨USDA Prime 10oz肉眼牛扒
嗌咗medium同medium well，一早切好晒，上到枱已经见到入面粉嫩嘅颜色，煎得岩岩好。
牛扒会放喺一个有蜡烛嘅架上面keep warm，呢个位好细心，欣赏！
肉质方面就有失水准啦，虽然煎得好靓，但食落鞋口，肉味还好，食唔出系高级嘅扒。
另外薯条建议快啲食，好快滩冻晒。虽然系任食薯条，但我同友人都系小鸟胃，一份薯条都食唔晒。
✨当日甜品有4款选择：红莓慕丝蛋糕、朱古力海绵蛋糕、柠檬挞同拿破仑。
我哋拣咗红莓蛋糕同朱古力蛋糕，老实讲两款都唔好食。不过上甜品嘅时候staff会唱生日歌，好有气氛。
呢餐一人一个set加杯野饮，埋单$1000，唔算平，水准亦去唔到呢个价位，个人嚟讲回头率系零。
*温馨提示*
餐厅系计人头收费，所以就算嗌一个set share，都系会照收每人一个set嘅价钱，所以非常唔推荐小鸟胃嘅朋友去。
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🐱整体评分：✨✨✨✨(4/10)
💰人均消费：500
📍地址：La Vache! (尖沙咀)
尖沙咀赫德道12号地下
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
张贴
