雲海日本料理

营业中

休息中

要几个月前book呢个铁板烧放题，本身充满期待，但真系好失望。嘢食唔系难食，但真系唔值呢个价。（而且book枱个CS服务态度都好差-_-）首先上刺身，啲刺身系新鲜、鲜甜嘅。煎带子同虾煎到好香牛油味，面头都金黄色，呢个好食。煎三文鱼同鳕鱼都唔错，皮脆肉嫩，鳕鱼仲好滑，不过可惜呢个铁板烧放题系唔可以追加鳕鱼。煎鸡排就好普通，味道无咩特别，唔太特出。羊架就好好多，唔系好大旧，煎到面头好脆，里面咬开都系粉红色好juicy，而且腌得个味几出色。鹅肝多士都唔错，鹅肝都煎得外脆内软好甘香，而且几大旧，如果有个汁解吓腻就会更好。鹅肝都系唔得追加的。最失望就系个牛！薄切牛包住洋葱同金蒜，洋葱嘅甜同牛系match嘅，但啲咁薄嘅牛失落竟然有筋系韧嘅！食落完全唔似系食紧啲好高质嘅牛好失望！另外有个位系食完第一轮后每次添食物𠮶阵，师傅都会比好多，好似第一轮带子每人两只，但添𠮶阵一比比五只，其实食唔到咁多啰，一来摆都冻晒，二来咁好难再添其他嘢，有种赶收工嘅感觉。最后就系个炒饭竟然系喺厨房炒出黎，而唔系喺面前用铁板炒，好奇怪。lunch要咁贵但呢个体验完全唔值得呢个价。