深井陳記燒鵝海鮮酒家

营业中

休息中

自细系我个脑里面「深井」彷佛同「烧鹅」系连体婴，分都分唔开！讲左揾日去深井食烧鹅讲左成廿年都未去得成，今年因为疫情新年唔洗拜年又多左行山，就借行山为名，食烧鹅为实，同屋企人轻松咁行个深井-圆墩-清快塘-深井，郁动下再拜会有唔少朋友推介嘅深井陈记烧鹅海鲜酒家。 醉翁之意不在行山，我地成程都讲紧只烧鹅，超雀跃咁讨论边个要只鹅脾，边个要鹅胸！行左两个几钟差唔多四点终于到达目的地，急不及待咁叫一只完整烧鹅，再加多个同姜葱豆豉鸡煲。万众期待嘅烧鹅终于上碟，阿妈率先夹咗只烧鹅髀咬咗一啖，估唔到comment居然系「冻嘅！！」老豆都有啲错愕，模一摸只碟，系「冻嘅！！」再夹多件系中间嘅烧鹅胸肉，咬咗一啖，然后「都系冻嘅！」🤯我地叫原只烧鹅系考虑到如果叫半只要同人share咁只烧鹅斩左出嚟可能会放耐左唔够热唔够脆，所以千估万估都估唔到只原只烧鹅出到嚟连暖都称唔上，系冰冻㗎⋯⋯再者，就算唔系烧鹅新鲜出炉嘅时间，斩出嚟之前都可以整返热少少佢⋯⋯仲要呢间系「烧鹅」海鲜酒家㖞，加埋一要成六百几蚊一只，真系接受唔到啰😠我地梗系叫个侍应问吓佢做咩事啦，之后佢同我地翻热碟烧鹅⋯出到嚟都净系冇之前咁冻，有少少温度...