將軍會館

营业中

休息中

朋友话睇到呢间餐厅嘅食评唔错， 咁我都系住喺同一区就去试下啦。 因为都见到佢好多食评好正面， 所以都系满怀希望嘅， 对呢间餐厅有啲信心。 见佢有好多孖宝推介， 但系我哋冇拣孖宝。 拣咗一个姜葱焗澳洲龙虾， 斤半嘅龙虾三百几蚊， 另外嗌咗个瑶柱豆苗。 先系瑶柱豆苗嚟先， 百几蚊嘅豆苗份量都多嘅。 我本身好钟意食豆苗， 不过呢碟豆苗你话佢好食又唔系，好难食都未算， 个芡汁好浓好杰， 啲豆苗比较韧啲。 跟住龙虾嚟喇， 个重点系啲龙虾肉咬落去系腍嘅， 应该系唔新鲜。 个龙虾系切开好多旧嘅， 有啲肉系爽口啲但系有啲肉系淋啲。 所以我哋怀疑个龙虾未必系同一只龙虾炒埋一碟。 最后， 我同我个朋友觉得太难食， 食唔落去， 净返三分之一左右。 好失望， 畀五百几蚊吃不到有水准的东西。 食完呢个晚餐之后觉得好口渴， 饮咗好多水。 朋友夜晚仲有啲肚痛， 不过就唔知关唔关事。今次系我第一次写食评。 可能因为太失望，所以忍唔住写下。 本来之前睇到啲食评谂住去食阿拉斯加长脚蟹，哈哈， 好彩冇嗌到， 如果唔系，可能仲伤心。