樂飛葉山區餐廳 (已結業)

由佢开张到依家，大大话话跟女友讲过无数次话嚟呢度试佢哋嘅山区法国菜，但斋噏都噏咗成年。今次无心插柳，约女友响旺角，正值午饭时间，心谂: "择日不如撞日"，就决定嚟试...坐定定，眼望四方。装修好有camp feel，地方相当宽敞，印象不俗...望望menu，set lunch一汤一main course都要收八十八蚊，响呢度嚟讲算系高消费，唔怪得拍晒乌蝇la...再望吓个lite lunch menu，平均五六十蚊一碟，平D。竟然有cheese and chocolate fondue，好想试，但又觉lunch食呢D好似有D过份，于是叫个chicken breast with Mozzarella cheese。女友冇乜胃口，只叫个白汁沙甸鱼配红糙饭...先嚟个mushroom soup，好清，有浓浓蘑菇味，不俗..个鸡胸就令人失望到极--- 靱到痺，切紧嘅时候以为切紧鞋底，食落口又以为食紧柴皮，完全扣晒分...真系食唔落，女友就将半份沙甸鱼分俾我。味道普通...咁样点令人有信心试食dinner ar?