傷心酸辣粉 (已結業)

今日专登去深水埗间伤心酸辣粉度试吓个招牌菜，我入到店坐低等咗1min都冇人攞个餐牌俾我，到最后我只好自己起身去隔篱枱拎嚟睇。我order咗个中辣嘅招牌酸辣粉+卤肉$28，我觉得个辣汤底都算ok，系咸咗少少，不过都可以接受，但个粉嘅质感就好似食橡筋咁咬好耐先咬得断，仲要有啲有味、有啲又好咸，而卤肉就最差，色淡味淡不特止，仲有啲益味，咁即系表示卤嘅时间唔够耐，令到啲腩肉唔入味。我最后只食到唔够半碗就放弃走人。我食嘅过程中，听见隔篱枱想叫侍应俾杯水，个侍应答番个人客话1杯水要$1，我先察觉到原来冇茶水架㖞。系…好多乜米线乜粉面都冇俾茶水，但都未至于问佢哋攞时要收钱架啵，虽然$1唔系贵，但感觉上变得好似冇service咁，不过侍应嘅service都算唔错嘅…收钱𠮶阵。