海記合桃坊甜品 (已結業)

同朋友食完晚饭倾完计就去左揾糖水食，朋友讲开话想食芋圆就想上左openrice到揾到呢间好似好多人都赞好，于是就去左呢间。好多人等，等左差唔多20分钟。然后放低左1个menu比我地4个人睇...隔一阵放多左个menu，不过呢个menu劲污糟，啲糖水渍成个menu都系。有朋友见佢好似合桃系主打咁，就嗌左个沙沙合桃糊，的而且确呢个已经系最好味。大良炖鲜奶就麻麻地，食落无乜味，只有好淡既奶味，就好似食紧个无味既热果冻。芋圆我第一次，朋友话应该系好食过小丸子，不过我就觉得小丸子好食啲。芋圆太实，所以唔系几好味。呢个系我嗌既，最贵都系最差。首先个卖相唔得，好少见说乐冰个卖相会咁差，一pat野咁。然后上面果两块饼好似摆咗好一段时间咁，唔脆嘅，有少少硬。绿茶冰叫做OK嘅，唔会话特别好食但系都唔叫做难食。本身以为红豆实无伏喇，但系啲红豆系硬，一啲都唔腍。最好味系小丸子，够烟韧。