亨通餃子店 (已結業)

因为工作关系去油麻地,一做完嘢当然要食番个tea.最钟意食上海小店既嘅包点见到有间无乜装修既旧上海舖,二话不说即刻冲入去.当日沤紧雨,街外己经非常翳焗,店舖无开冷气,厨师系open kitchen煎紧包点,因为通风不佳,油烟味极重.店舖用透明胶帘当门,连翳焗既新鲜空气都走唔到入来.未食已经满头大汗,依间上海舖好细间,装修简陋,只有三张折枱,几张折枱.既来之,则安之,如果食物好味,其他一切都无所谓.明明客人只有2个,但食物都系上得好慢,加上系咁既环境下等,真系度日如年.首先上枱既系牛肉饺面.为咗品尝食物我暂时忘记又热又焗又油烟既环境,将所有感觉集中喺味觉上面.食一啖面 - 咸,饮一啖汤 - 咸,咬一啖饺子 - 非常咸,而且系工业程度嘅咸,我实在食唔出其他味道.汤底可能纯粹系盐加水制成.问伙计攞杯水冲下喉咙,佢话冇水供应,要买佢地嘅饮品.我叫个肾忍一忍,出到去畀鸡骨草你饮.啱啱食完碗面,羊肉大葱饼就杀到.我怀著战战兢兢既心情品尝,外皮煎得香而且仲有少少脆.羊肉馅料有大量既葱,好爽口.虽然未至于干争争,但系羊肉一啲肉汁都冇.最钟意食羊肉嘅骚味,但系呢个大葱饼唔单止冇骚味,连羊肉味都欠奉.非常