誠記小籠包拉麵 (已搬遷) 新店位置

上网见人话呢度可以一条龙食哂上海野同芋圆，于是去完嘉顿山顺便黎试埋。叫左小笼包、奶油津白、咕噜鱼、排骨菜饭同豆浆。间野冷气唔够，我地就坐左系近街张枱，冷气口。成间铺用透明胶片间开街同铺，点知有个醉酒佬想突袭坐喺胶片侧边嘅我地，吓死，即刻坐返入面。豆浆甜爆，冇豆味，唔好饮。全部菜黎齐，但上错左个奶油津白，变左津白肉球，变相少左津白，不过我地冇同侍应讲，照食。肉球好大，成个网球咁，一人一个好饱。排骨菜饭同小笼包正常，冇咩特别。咕噜鱼得个几片鱼块，仲要一夹就碎，好脆弱，唔抵食。食完正餐跟手叫个芋圆黎食。超！级！唔！掂！食紧粉团咁，完全冇地瓜同芋头味。怀疑只系用糯米粉同色素整。转头去隔离街食返碗足料芋圆补数。整体黎讲，好食嘅上海菜大有餐厅在，甜品又唔出色，唔使黎呢度食。