響 居酒屋 (已搬遷) 新店位置

有听过朋友介绍话呢间几好，就打个电话过去问一问有无位，听电话嘅态度已经唔多好，「电话几多」，「只留15分钟」，口吻已经令我觉得好差！价钱有70至百几元都有，一般观塘都要呢个价钱。我点咗咖哩猪扒饭，我啲同事已经差唔多食哂，都未上，追第一次话即炸要时间，同事食完我再追，转头就有（仲要我中间见过有人同样系炸物丼已经一早出哂）。味道可以，唔太差。其中一位同事突然爆左句，见到碗底有片嘢，唔知系胶片定玻璃片，差啲食落肚。叫个男职员，话转头黎，唔见人。只系轻轻讲左句取消单，有咩想食就走左佢。我睇个男职员都系快快拎走扔左佢就算，就唔再行过我地个位。服务态度好唔好，都会影响食欲，我听电话已经好嬲，又唔可以系合理时间内送餐同饮品，真系好嬲。