藍象泰國餐廳 (已結業)

之前去曼谷错过了蓝象，见香港有就食返一次，结果令人失望。事先订位，所以星期日都唔使等，但可能周末较多人，落单需要用d时间。叫左鸡，猪肉串烧，味道不俗。辣肉碎沙律，生菜十分新鲜，配合辣肉碎整生菜包味道很好。小食及冷盘之后，问题出现，冬荫功汤上台时有个炉仔热住，睇落几好，点知一饮发现系「暖」的，完全无汤既热度，d汤唔热好似有一层嘢系面咁。第一次试饮一碗好似叹冻左既冬荫功，成碗嘢只得大虾系好食。之后既炒蚬都系同一个问题，味道唔错，但都系唔热，好似摊冻左咁。全晚最好食就系个甜品，芒果够甜，糯米有咬口。总括嚟讲，好多泰菜都好食过佢。