冒菜麻辣燙 (已結業)

身为无辣不欢嘅我，知道屋企喺楼下将会开呢间野，本身好兴奋。开张即刻去试，点知失望而回。铺面设计极差，收钱得一个位，攞嘢食嘅位又迫，攞完啲嘢（多人嘅话）要排到出门口，搞到好似囚犯咁，排着队攞住个托盘，企喺条街度都唔知做乜。啲员工可能始终未系好熟，收钱慢，送餐又乱晒笼。讲返啲嘢食，又贵又唔好食。$4一粒丸？系咪痴线㗎？ $6一个面饼，一啖就冇晒。夹下呢样，夹下个样，卅几四十蚊一个唔饱嘅面，我不如去隔离铺，或者茶餐厅食个饱肚嘅饭或意粉！