巴打冰室

营业中

休息中

首次同老公来尝新，叫咗个香芒大虾沙律 ($88)、蜂蜜陈皮骨套餐 ($78)、蒜蓉炒菜心 ($48)、虾多士伴沙律 ($35)，餐冻柠茶少甜 (+$3) 及餐特饮黑牛 (+$10)，全程最无得弹系杯黑牛同杯冻柠茶少甜，香芒大虾沙律收 $88，份量少唔在讲，半边芒果睇到青 BB 未食都觉生，食落又硬又酸加埋 8 边无味中虾 (即 4 只) 一绝！蜂蜜陈皮骨套餐，𩠌嘅份量尚可，只有蜜味全冇陈皮味，跟餐个饭得半碗，男士一定唔够饱 (我老公就系喇！) ，蒜蓉炒菜心嚟到望落去，发现唔够菜心揾白菜心搭够都冇问题，最顶瘾系个虾多士伴沙律，沙律被件「炸虾西多士」压住变暖都算，请大家留意我上面写住系「炸虾西多士」呀！送到嚟放我面前真令我同老公儍眼，送此「炸虾西多士」的侍应还问我们甜食定咸食？即系要糖桨吗？我自问细细个已经食过不同食肆岀品嘅虾多士，好似呢间冰室嘅成品都系咁大个女第一次试啫 … ！