鐵板神燒 (已結業)

平日经过见门面几靓咁都有兴趣去试下，有日下午经过就同朋友去试咗。入面格局似日本啲餐厅㩒机拣嘢食然后入钱出飞揾位坐，下午set全部都系啲平价定食咁，以为会有扒类但系冇，我同朋友一人拣咗一个餐share，芝士泡菜豚肉同肥牛烧。佢嘢饮系自助，任饮，有暖水，暖甜红茶（唔明点解要落糖），仲有味噌汤，汤我冇饮，水因为系暖我都冇饮，好在有带水。唔好彩地我同朋友坐咗喺正佢炉前，佢炒嘢果阵其实都几大油烟，跟住佢装咗两碗饭比我地，竟然唔系珍珠米，系啲丝苗米咁，仲要个饭唔好食，我冇食晒个饭，泡菜豚肉有芝士面，多肥，味道唔叫好食，正常，肥牛极薄，所以佢一炒就碎晒，碎湿湿咁，都系偏油味道正常唔叫好食，公道啲讲，价钱唔算贵，豚肉餐$60肥牛$70，但呢个价钱如果去食日本定食餐一定好食过佢，同埋接受唔到食日本嘢竟然唔系食珍珠米，唔知晚市会唔会好啲，但我应该唔会再去食。