鳳城酒家 (干諾道西) (已結業)

老远走来上环，主要系想寻找昔日的味道，今日（15/5/2020）早上，来到凤城酒家系想食灌汤饺。第一次来这酒家，十分细，只有二十余张枱，入内，无人招呼，要自己揾位，但枱枱都有客，唔想企在枱边等位，又无人理，真系想走，后有一女士讲，饮多口茶就走，就等多一阵。特价点心纸有孖宝，点了两个，每份$22.8，但当中一定要点皮蛋瘦肉粥或凤爪排骨饭，选了凤爪排骨饭，再配干蒸牛肉烧卖及姜粒鸡包仔，另再加了蜜汁叉烧包及猪肚鸡烧卖，全部都是普通货色。最失望是正价的灌汤饺，等了二十几分钟先有得食，很热及多汤，但饀料及汤汁味道麻麻。预备埋单之际，见邻枱有张粉红色纸，攞来一看，原来有点心拼盘，特价$17.8，有五款点心，但我张枱无此拼盘纸，好兴。最值得一赞是酒家的牙签，真是无几多间酒家会咁用心。