頂好海鮮酒家

营业中

休息中

之前成日经过这店，见有好多明星相，好似名人饭堂咁，咁啱今日家人揾我食饭，老人家钟意食中餐，又咁啱在尖沙咀果头，就谂起这店，行落地库，一入门，也觉得好怀旧，上网查原来已开了半百年，坐低无耐，个职员就问我洗唔洗落咗个汤先，咁啱佢讲的汤就系我想叫的杏汁菜胆润肺汤，当然要叫佢先落order，另外叫了秘制化口虾子柚皮、粉丝杂菜煲、蚝皇鲍螺片扒碧绿，叫了三个𩠌，个职员细心地话三𩠌一汤够食了，在等候期间食佢啲前菜小食，系皮蛋酸姜片，几特别，因为平时通常系花生🥜果D，先来个汤，个汤好多料，好多猪肺，但饮落觉得个汤有D渣咁，好似D杏仁磨得唔够，但家人话可能系D金华火腿碎🤔，anyway总之唔够滑，个杂菜煲得D粉丝同菜同少少菇，一粒虾米、鱿鱼仔也无，唔抵食，个柚皮真系几＂化口＂，但食得多有D漏，同仲有D苦，整体而言，真系好一般，可能期望过高，但期间服务都ok，走时也会同我们讲拜拜．