老鍋台式火鍋 (金馬倫道) (已結業)

朋友同我都钟意打边炉，见到呢度食评几好，就试一试。我哋拣咗麻辣锅同酸菜白肉锅，麻辣锅正正常常，酸菜白肉锅嘅酸菜就超级奇怪，似食coleslaw沙律𠮶只酸味。其他食材正常，冇特别惊艳，都冇特别唔好食。服务态度系令人最唔舒服嘅地方。姐姐们几好人，但𠮶度嘅男性职员粗声粗气，对住啲客呼呼喝喝，令人好冇瘾。仲有，茶钱$20一位，但由头到尾都冇饮过佢任何茶。