Canadian Pizza (H.A.N.D.S) (已結業)

赤口情人节去谂住买外卖试下，18:44落单，话要等半个钟，明白新年加上情人节系多生意，唔紧要啦，等下都得。19:15返去问有得拎未，话未有，唔紧要，因为都真系见好多人等，咁再等下。。。19:30再问，仲系未有，但有啲后过我哋嘅号码已经有得拎。。。已经觉得奇怪，不过都唔紧要，因为佢有时又会叫返前啲嘅号码，有职员解释点解后啲嘅号码咁快有得拎，系因为佢哋得1个批。19:40再问又系冇，但次次啲职员入完厨房出黎系冇话我哋知要等几耐同张单做咗未。。。好啦，到19:45左右因为后过我哋10个号码嘅3-4人餐都有得拎，就再问有得拎未，今次个职员入完厨房，再出返黎，佢印咗我哋张单比厨房，先知原来追咗3次，都冇人知原来成张单漏咗，真系好失望、好嬲，其实我哋都只系叫咗个加拿大人pizza +洋葱圈。。。最后冇食到，因为真系好失望，原来追咗咁多次，啲职员都系敷衍紧我哋，冇人真系帮我哋睇下张单做咗未、仲要等几耐。。。同埋落完单最好睇下价钱啱唔啱，听到有位女士话叫咗个套餐，明明加小食系有优惠价，但职员无计到比佢，收多咗佢钱。