影片
更多
2021-08-11
535 浏览
我食过最差嘅一间Outback，没有之一。其实Outback都算系我嘅其中一间饭堂，我经常帮衬，当然就顺手做埋佢嘅VIP啦。咁啱公司附近奥海城又有一间Outback，当同事要食饭谂唔到去边度食，我都会Show一Show我张VIP出嚟😎毫不犹豫咁讲「Outback啦」其实依间分店都食过几次，之前都正正常常，但今次真系衰得有啲过分。我哋一行四人叫咗四个lunch set share食。加拿大无激素黑毛猪肉眼扒$138佢有得俾你拣全熟定系七成熟，由于某啲同事怕死嘅关系😂叫咗全熟，结果啲肉好柴。佢嘅配菜都有啲Hea，啲萝卜西兰花烚到生生地咁，硬绷绷。烧肉酱味猪肋骨$128我真心未食过咁幼嘅猪肋骨，仲要冇汁，啲烧肉酱呢？失踪咗系啲薯条炸得几脆几好食。烧盲曹鱼柳$118我之前试过觉得麻麻，但今次反而整得几好食，啲鱼滑得来有少少肉味，炒饭都唔太咸。不过讲真下次黎又唔知系咪咁嘅味道。🤷♂️烧鸡肉芝士夹饼$98简直用离谱来形容，焗㶶到咁样都可以上枱比客，佢特登反转咗黎放，就以为个客睇唔到？真心觉得痴线。食过咁多间分店，由康城到铜锣湾再到奥海城，依家应该系最差嘅一间。如果食连锁店餐厅都要抽奖咁睇吓好唔好食
其实Outback都算系我嘅其中一间饭堂，我经常帮衬，当然就顺手做埋佢嘅VIP啦。
咁啱公司附近奥海城又有一间Outback，当同事要食饭谂唔到去边度食，我都会Show一Show我张VIP出嚟😎毫不犹豫咁讲「Outback啦」
其实依间分店都食过几次，之前都正正常常，但今次真系衰得有啲过分。
我哋一行四人叫咗四个lunch set share食。
加拿大无激素黑毛猪肉眼扒$138
佢有得俾你拣全熟定系七成熟，由于某啲同事怕死嘅关系😂叫咗全熟，结果啲肉好柴。佢嘅配菜都有啲Hea，啲萝卜西兰花烚到生生地咁，硬绷绷。
烧肉酱味猪肋骨$128
我真心未食过咁幼嘅猪肋骨，仲要冇汁，啲烧肉酱呢？失踪咗
系啲薯条炸得几脆几好食。
烧盲曹鱼柳$118
我之前试过觉得麻麻，但今次反而整得几好食，啲鱼滑得来有少少肉味，炒饭都唔太咸。不过讲真下次黎又唔知系咪咁嘅味道。🤷♂️
烧鸡肉芝士夹饼$98
简直用离谱来形容，焗㶶到咁样都可以上枱比客，佢特登反转咗黎放，就以为个客睇唔到？真心觉得痴线。
食过咁多间分店，由康城到铜锣湾再到奥海城，依家应该系最差嘅一间。如果食连锁店餐厅都要抽奖咁睇吓好唔好食，佢真系要认真检讨吓成个工序流程。
Mcmug综合评分：3/10，离谱，不合格。康城果一间好好多值7/10。
张贴
