何時 • 河地 (已結業)

今日星期日，揸左40公里黎呢度，谂住可以放松心情打卡一番，点知......出事：1. 想泊车，出面有个烂地停车场，但太多车无位，仲有d 旅游巴顶住，等左一阵，好彩...2. 去到多人到我以为去咗市集，人狗争路争位，等左一阵，好彩...3. 坐低左，去点完嘢食，预左食风景为主，所以食咩都无咩所谓，饮品好快黎左，好彩...4. 因为室内好少位，坐室外睇下风景，今日好大风，d 狗狗好活跃好喜欢叫，有d 冻但好热闹。我地叫左all day breakfast 及海鲜意粉，等左差唔多1个钟，d 食物都未到，点解唔走？比晒钱及同我差唔多时间黎嘅客都未有，继续食下风先...5. 见势色唔对，去问下仲要等几耐，答案：唔知，太多单。再一阵，直接去左厨房问（唔好意思），原来连张单都唔知响边，惟有希望佢哋尽快整，好彩...6. 差唔多1个半钟， 终于有得食，好开心地用左15分钟食完，即走。我应该唔会再黎呢度...河上乡...