影片
更多
2022-05-29
1530 浏览
米芝莲中菜「润」招牌西班牙黑豚肉叉烧 hkd 388 ： 收得呢个价钱，梗系俾啲来佬货你，讲究地用上西班牙猪肉，上碟嘅时候见到颜色，肉质嘅形态我都忍唔住PO咗个Store 「未食已经觉得可能会好失望嘅叉烧」，当然身为消费者嘅我梗系希望自己错啦，首先讲讲佢嘅颜色「鲜红色」， 呢啲真系通常喺最低劣嘅烧味店或者喺外国唐人街不三不四中餐先至会见到嘅效果，呢种红色通常摆碗饭上边就真系即刻美源发彩「头发染黑晒亦得、得咗」，绝对系唱首「血染的风采」， 我完全谂唔到收呢个价钱竟然会出呢一种染色体嘅叉烧活灵活现喺你面前 😢， 味道偏甜、肉质初食口感松化，最后𠮶几下都话偏硬，呢个质素好似天龙轩𠮶碟叉烧差唔多，分别就系呢碟个外观再差一啲. 烧卖： 见佢好多都系以卖相为先决条件，打开点心龙之后见到两粒烧卖分飞燕、扣分、烧卖质素失望，切肉不分明，同坊间普通烧卖「差不多先生」海苔龙虾春卷： 我就以为龙虾肉做嘅春卷，识识吓唔对路点解冇乜龙虾味唔通我味觉有问题？斗胆问侍应「系唔系放咗啲虾同猪肉落去」，佢尴尬地回答系呀咩都有啲咁啦，我唔系律师、但系呢个唔知道会唔会违反商品条例呢「笑」点心师傅设计上用咗窝夫皮代替春卷皮，
招牌西班牙黑豚肉叉烧 hkd 388 ： 收得呢个价钱，梗系俾啲来佬货你，讲究地用上西班牙猪肉，上碟嘅时候见到颜色，肉质嘅形态我都忍唔住PO咗个Store 「未食已经觉得可能会好失望嘅叉烧」，当然身为消费者嘅我梗系希望自己错啦，首先讲讲佢嘅颜色「鲜红色」， 呢啲真系通常喺最低劣嘅烧味店或者喺外国唐人街不三不四中餐先至会见到嘅效果，呢种红色通常摆碗饭上边就真系即刻美源发彩「头发染黑晒亦得、得咗」，绝对系唱首「血染的风采」， 我完全谂唔到收呢个价钱竟然会出呢一种染色体嘅叉烧活灵活现喺你面前 😢， 味道偏甜、肉质初食口感松化，最后𠮶几下都话偏硬，呢个质素好似天龙轩𠮶碟叉烧差唔多，分别就系呢碟个外观再差一啲.
烧卖： 见佢好多都系以卖相为先决条件，打开点心龙之后见到两粒烧卖分飞燕、扣分、烧卖质素失望，
切肉不分明，同坊间普通烧卖「差不多先生」
海苔龙虾春卷： 我就以为龙虾肉做嘅春卷，识识吓唔对路点解冇乜龙虾味唔通我味觉有问题？斗胆问侍应「系唔系放咗啲虾同猪肉落去」，佢尴尬地回答系呀咩都有啲咁啦，我唔系律师、但系呢个唔知道会唔会违反商品条例呢「笑」点心师傅设计上用咗窝夫皮代替春卷皮，明显别出心裁、可惜窝夫皮太硬身，如果食得唔小心，有机会「惨」到牙肉
恋爱世纪苹果咸水角： 外表跨啦啦，内里都唔系吹喇叭，好食嘅多馅料嘅，但系好好奇点解绿色呢，以为是否要带出什么特别的味道出来？原来只是设计问题，10分细致带点无言「笑」
桂花肉丝蟹肉炒米粉： 10分干身值得一赞但系与文华厅蟹肉炒米粉完全相差马拉松式的距离、淡而无味，如果充满蟹肉我都可以俾你讲谂住用蟹肉嘅鲜味你去增强米粉的味道，识上去的时候完全谂起上海滩赌圣桥段，真系想问返佢哋今日系咪我生日点解有咁多蟹肉、又令我谂起武状元苏乞儿、𠮶啲肉丝直程系肉排嚟㗎「笑」
个人认为最正常嘅就系呢个脆皮鲍鱼肠粉，特别，如果呢个鲍汁浓一啲咁就不得了喇，椰果番石榴露都几清新、一试无妨
我已经尽咗力叫、可惜…….又一个食景的地方
张贴
