鰹烏冬 (LT Tower) (已結業)

经过朋友们嘅极力推介，满腔期待去试呢间乌冬店😚，可惜可能👧🏻+同事叫错食物啦，都几失望下🥹，大家要试呢间乌冬记得要叫冻乌冬，唔好好似👧🏻咁蠢叫热乌冬🥲。🌟半汤鲣鱼乌冬 配 天妇罗鸡件半汤乌冬比起普通鲣鱼汤乌冬比较浓味+少汤，不过👧🏻就觉得唔算特别浓味，所以叫左普通鲣鱼汤乌冬嘅同事就更加悲惨😵‍💫，汤底淡如无味。乌冬用热汤上，上菜时已经轻轻浸腍咗，唔算太弹牙，更何况浸汤越耐，乌冬质感变得更软身，食到尾段试过一夹即断😵‍💫，呢个绝对唔系买一碗$40几蚊净乌冬应有质素。其他配料eg: 鱼片、昆布、天妇罗碎，表现正常。至于天妇罗鸡件🐣更系成餐饭嘅败笔🤪，虽然鸡件Size极大，但外层炸衣质感并非合格天妇罗质感，湿𣲷𣲷重面粉质感，鸡肉极度重胡椒味，唔知系炸鸡特色还是意图掩盖鸡肉雪藏味😩，真系唔太讨好。平心而论，试咗同事骨付鸡(用七味粉、蒜蓉🧄腌嘅鸡脾)，味道唔错，Juicy又嫩滑，难怪系餐厅嘅招牌菜！最衰当日最特别嘅茶味/海苔/柚子冷乌冬全部暂不供应，否则唔会咁失望🥲。