Al Forno Cafe and Bar (已結業)

星期四请左假，同老公黎铜锣湾食lunch，食完去屯门，呢间lunch唔收加一。Set Lunch包左碗周打蚬肉汤，碗底都几多蚬肉，落左好多胡椒，略咸。墨鱼汁意粉配带子 蟹肉 蟹籽份量好细，调味都系略咸，带子尚算弹牙嫩滑，蟹肉鲜甜，都ok既。咸牛肉炒蛋配流心花生酱牛窝夫呢个我满心期待，但结果完全唔知食紧乜，一啲都唔夹。咸牛肉炒蛋辣辣地，仲有啲肉松，总之就系炒埋一堆，牛窝夫正常味道，无特别。Al Forno Tiramisu 呢个又系好失望，只系铺左啲手指饼，上面淋左tiramisu味既cream，再加啲蓝莓、士多啤梨做装饰，仲要酸既。手指饼无浸腍到，系硬身既，cream酒味几出，唔值得叫黎食。