影片
更多
2022-10-14
902 浏览
成日见好多人排队，今日同小朋友行过冇乜人就试吓啦，我哋坐梳化位个梳化烂得好紧要，有啲吉pat pat，坐低用QR code落单，load劲耐都load唔到个画面，之后有人帮手落单，但系我感觉有啲茶记feel！嘢食方面儿童餐得一个选择，啲薯条好林好冻，意粉冇汁好干身冇乜味，其他炸物都唔系好吸引，感觉成个餐都好求其，不过小朋友见到车车都开心嘅，装住嘢食𠮶架车车其实我感觉应该唔会洗得好干净！大人嗌咗个肉汁蛋包饭， 卖晒同埋味道都唔错，跟餐鸡肉柚子沙律，啲鸡肉好冻，啲汁结晒，一睇就知系啱啱喺雪柜拎出嚟未完全解冻，啲沙律菜唔系好新鲜，都系求其掉落去，粟米汤就普普通通，成个餐最好应该系杯白玉红豆绿茶，不过要另外再加$20！总括嚟讲大人𠮶个饭$98，跟餐加埋$130 ok 嘅，但系个儿童餐就真系唔值$90。唔明点解咁多人排队食呢？
大人嗌咗个肉汁蛋包饭， 卖晒同埋味道都唔错，跟餐鸡肉柚子沙律，啲鸡肉好冻，啲汁结晒，一睇就知系啱啱喺雪柜拎出嚟未完全解冻，啲沙律菜唔系好新鲜，都系求其掉落去，粟米汤就普普通通，成个餐最好应该系杯白玉红豆绿茶，不过要另外再加$20！
总括嚟讲大人𠮶个饭$98，跟餐加埋$130 ok 嘅，但系个儿童餐就真系唔值$90。唔明点解咁多人排队食呢？
张贴
