17
6
0
餐厅: 礦記生滾粥
资讯:

为鼓励食肆透过提供食物份量选择和采取减少厨余措施,与顾客共同从源头减少厨余,环境保护署推出了「咪嘥嘢食店」计划,参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴,以供张贴於店舖内和宣传,供顾客识别。此计划全年均接受申请,申请费用全免。

详情可浏览:https://www.wastereduction.gov.hk/zh-hk/waste-reduction-programme/food-wise-hong-kong-campaign

等级4
899
0
2023-05-02 2045 浏览
自從近排去完蟹點 (係鴨脷洲見另文) 食咗隻超正嘅咖哩蟹之後,食蟹引大發!講食蟹,我最大感覺當然係水蟹粥啦!食蟹引大發就上網搵搵邊到有水蟹粥,搵到荔枝角道有間叫礦記生滾粥,有水蟹粥供應,但食評唔多唔知質素如何,唯有親身去試試啦!店舖環境唔算大,冷氣超強! 啱哂我! 唔怕食熱辣辣嘅粥食到成身汁!另外餐廳用上趟門,好怕D人無手尾開門唔閘門走哂冷氣浪費能源.先試試細碗水蟹粥,另外點咗椒鹽鮮魷同粉絲蒸扇貝.椒鹽鮮魷外層香脆,魷魚口感鬆軟一D都唔韌,送酒一流!粉絲蒸扇貝Size夠大,大大隻之餘蒸得啱啱熟恰到好處,鮮甜又嫩口,$180有四隻抵食又好味! 掂!水蟹粥未上枱,其實已經心知不妙,因為對面一對情侶點咗一碗,我偷偷望兩眼,色水唔多掂! 點知到我地果碗上枱,果然失望! 顏色唔係金黃色係泥水炭咁嘅色,聞上去無蟹味,食上去同樣無蟹味! 專程為水蟹粥嚟幫襯,點知遇上一碗劣質水蟹粥! 只不過煲碗粥掉幾件蟹落去,求求其其,連蟹膏都唔多,失望至極! 如果唔係椒鹽鮮魷同蒸扇貝出色的話,必負評.女友小熊鬧我!做咩成日望對面條女呀!"唔係我!我望佢隻蟹咋!""吓!望人地隻蟹!!!""唔係呀!我望佢碗水蟹粥咋!"
更多
自從近排去完蟹點 (係鴨脷洲見另文) 食咗隻超正嘅咖哩蟹之後,食蟹引大發!

講食蟹,我最大感覺當然係水蟹粥啦!

食蟹引大發就上網搵搵邊到有水蟹粥,搵到荔枝角道有間叫礦記生滾粥,有水蟹粥供應,但食評唔多唔知質素如何,唯有親身去試試啦!

店舖環境唔算大,冷氣超強! 啱哂我! 唔怕食熱辣辣嘅粥食到成身汁!

另外餐廳用上趟門,好怕D人無手尾開門唔閘門走哂冷氣浪費能源.

先試試細碗水蟹粥,另外點咗椒鹽鮮魷同粉絲蒸扇貝.

椒鹽鮮魷外層香脆,魷魚口感鬆軟一D都唔韌,送酒一流!

粉絲蒸扇貝Size夠大,大大隻之餘蒸得啱啱熟恰到好處,鮮甜又嫩口,$180有四隻抵食又好味! 掂!

水蟹粥未上枱,其實已經心知不妙,因為對面一對情侶點咗一碗,我偷偷望兩眼,色水唔多掂! 點知到我地果碗上枱,果然失望! 顏色唔係金黃色係泥水炭咁嘅色,聞上去無蟹味,食上去同樣無蟹味! 專程為水蟹粥嚟幫襯,點知遇上一碗劣質水蟹粥! 只不過煲碗粥掉幾件蟹落去,求求其其,連蟹膏都唔多,失望至極!

如果唔係椒鹽鮮魷同蒸扇貝出色的話,必負評.

女友小熊鬧我!做咩成日望對面條女呀!

"唔係我!我望佢隻蟹咋!"

"吓!望人地隻蟹!!!"

"唔係呀!我望佢碗水蟹粥咋!"

冤枉呀大人! 嗚嗚嗚..... ~~>_<~~
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐途径
堂食
推介美食
椒鹽鮮魷