車輪餅小姐

营业中

休息中

今日行经美孚，醒起有间食车轮饼都几出名嘅小店，叫车轮饼小姐，就过嚟试一试，见到佢有好多只味，但系因为自己唔食吉士，所以㨂净芋泥或者红豆，见红豆平啲，就拣咗豆沙嚟试，咁啱得咁跷佢冇整定呢只味，所以可以等5分钟左右，等佢即整。即整出嚟，系热辣辣嘅，拎上手已经feel到脆卜卜嘅外皮。但系虽然系即叫即整，热辣辣，但系味道就好一般，首先出边𠮶个饼，毫无味道，外皮系脆嘅，但系中间唔系松软，系比较淋pat pat，比较挞口。中间嘅馅，豆沙系都系几多，但系都系冇乜味，唔甜，少少甜都冇，剩系得豆味。至于个麻糬，份量又唔算多，可以见到豆沙同埋麻糬个比例又系无味，唔系烟靭口感，偏腍，仲系灰灰地嘅样，极不吸引。