影片
更多
2024-07-31
1801 浏览
又系每月一次中同聚，平时会bookmark定一堆餐厅，到每月一聚嘅时候，就唔洗谂爆头食咩。哩间餐厅位于苏豪区，由中环地铁站，行半山行人扶手电梯上去，大约6～8分钟路程。餐厅门口唔系对住电梯口，喺两段电梯中间。可以选择早啲出行人路行上去，或者上多一段扶手电梯，行落下。因为预早订位嘅关系，唔洗等位就可以即刻入座。餐厅灯光偏暗，但又唔似酒吧咁嘈。只有送生日蛋糕，全埸员工一齐出嚟拎住摇铃唱生日歌嘅时候，先会嘈啲。其余时间，嘈杂程度都可以接受。Shrimp Scampi ($168)蒜香牛油虾一共有6款前菜可以拣，我哋拣咗虾。但系无睇清楚餐牌🙈，大家都以为系炸嘅爆谷虾，原来系蒜香牛油汁。有6只虾，再加一片面包。虾似用水煮熟再淋汁上面，离壳后无再用汁煮，虾肉唔入味，唔太推荐。Classiche 经典薄饼Margherita ($188)玛格丽特薄饼有经典薄饼 或者 特制薄饼系列。我哋每样都叫咗一款。我自己系唔食羊，就算我系芝士控，羊奶芝士都食唔到，羊膻味太太太太太重。但系哩个pizza又完全食唔到膻味㖞，唔睇真啲个餐牌都唔知落咗羊奶芝士。但系个番茄酱太重手，成个pizza底好湿，浸到好淋。唔算系一
哩间餐厅位于苏豪区，由中环地铁站，行半山行人扶手电梯上去，大约6～8分钟路程。
餐厅门口唔系对住电梯口，喺两段电梯中间。
可以选择早啲出行人路行上去，或者上多一段扶手电梯，行落下。
因为预早订位嘅关系，唔洗等位就可以即刻入座。
餐厅灯光偏暗，但又唔似酒吧咁嘈。
只有送生日蛋糕，全埸员工一齐出嚟拎住摇铃唱生日歌嘅时候，先会嘈啲。
其余时间，嘈杂程度都可以接受。
Shrimp Scampi ($168)
蒜香牛油虾
一共有6款前菜可以拣，我哋拣咗虾。
但系无睇清楚餐牌🙈，大家都以为系炸嘅爆谷虾，原来系蒜香牛油汁。
有6只虾，再加一片面包。
虾似用水煮熟再淋汁上面，离壳后无再用汁煮，虾肉唔入味，唔太推荐。
Classiche 经典薄饼
Margherita ($188)
玛格丽特
薄饼有经典薄饼 或者 特制薄饼系列。我哋每样都叫咗一款。
我自己系唔食羊，就算我系芝士控，羊奶芝士都食唔到，羊膻味太太太太太重。
但系哩个pizza又完全食唔到膻味㖞，唔睇真啲个餐牌都唔知落咗羊奶芝士。
但系个番茄酱太重手，成个pizza底好湿，浸到好淋。
唔算系一个合格嘅Margherita。
Speciali 特制薄饼
Thomas ($238)
汤玛斯
见到隔离枱叫咗一个parma ham pizza，我哋又跟住叫试下。
味道好食过Margherita，起码个pizza底唔系湿笠笠。
但个pizza无酱，食到尾会觉得好干。
要加啲辣椒油 或者 配前菜个蒜香牛油汁一齐食。
总结一下，环境同气氛都唔错。
有几枱人都系特登嚟打卡，庆祝生日。
但系食物质素就有啲失望，餐牌已经唔多选择，只有几款前菜同pizza。
餐厅应该想专注做好pizza，但连唯一主打食物都唔好食。
以相约价钱，中环有更多更好嘅选择。
今次食完，都系会将佢列入无下次系列。
张贴
