新銓滿記餐廳小廚

营业中

休息中

之前同邻居嚟过食煲仔饭，觉得超香口卜卜脆好好味。撞啱有另外一个邻居生日又系天气最冻𠮶日，就决定嚟呢度食煲仔饭。可能天气冻，实在太多人。但系又想做晒咁多客嘅生意四人枱加张变六个人坐。隔离张四人枱要归边坐，但两夫妻都大件。繁忙时间明白嘅，但系侍应开𠮶条件就系话叫套餐嘅话就俾晒成张枱，最后隔篱枱对夫妻起身走咗冇食。讲返今次个煲仔饭先，可能太多客太多单，啲饭焗得唔够干身，不过好彩三煲有一煲个都仲有卜卜脆嘅饭焦。个沙嗲牛肉粉丝，就唔多建议叫啦。如果大家有兴趣可以自己亲身试吓睇吓接唔接受到。生日𠮶个话要食鱼翅捞饭，个人就唔系咁喜欢啦，不过如果大家想试嘅话都不妨可以试吓，始终各人口味不同。𠮶个大鳝煲仔饭，邻居话冇上次咁好用，呢啲随机嘢真系睇吓你好唔好运。差啲漏咗，个汤都系几好饮，好似落咗北芪真系几有料。