新銓滿記餐廳小廚

营业中

休息中

旺角食小菜搵咗呢一間茶記，味道唔錯，價錢合理，服務都非常好，好彩香港仲有呢D餐廳。我地叫咗兩樣野，兩樣都正。佢個雞煲整得幾好食，好惹味，D紅洋蔥、薑、蔥、芫茜、蒜都好和味，唔會太鹹，餸白飯餸啤酒都係一流嘅。佢個蒜蓉乾蔥爆牛肉煲都幾好食，D牛肉都算嫩，當然D配料加埋個煲仔上會特別惹味啦，不過呢個牛肉煲就鹹咗少少。

記得以前呢一間食店嘅煲仔飯都幾出名幾好食，今晚忽然之間喺旺角想食煲仔飯，於是走去幫襯，點知要係失望嘅。煲仔飯套餐依然有一小盅例湯同埋一碟油菜送，個湯同埋個油菜同以前個味道差唔多，特別係個例湯都仲係冇落味精所以好正。不過個煲仔飯就有少少強差人意，我哋叫咗兩個煲仔飯，一煲係黃鱔煲仔飯，另一煲係窩蛋牛肉煲仔飯，兩煲個味道都係唔夠嘅，不過佢哋嘅餸就真係多，尤其是係個黃鱔煲仔飯，超多黃鱔，窩蛋牛肉嘅牛肉份量都畀想像中多，同埋兩個煲仔飯都有飯焦剷到出嚟。

位於朗豪坊附近 地理位置方便唔洗等位 (可能因為太夜去食晚飯)足料老火靚湯 好飲煲仔飯火候夠 飯焦十分正自選2送 $8X跟油菜+湯  抵食另外叫佐個花膠栗子雞煲呢個性價比就低D啦 $1XX花膠好足料  可惜既係部分栗子有異味調味好好下次會再返黎食煲仔飯同飲老火湯

今晚第一次到這間新銓滿記食飯，都相當多人。遊客和本地人各佔一半左右。老闆娘和哪一個夥記(好似叫強哥）服務態度超級良好！同你講嘢會微笑，唔該前多謝後，十分有禮貌。雖然客多，但仍然提供良好服務。教我點食煲仔飯，甚至幫我剷起成個飯焦，等我慢慢食。也有介紹如何食豬手。我心諗，要有怎樣的老細，老細怎樣對待員工，D夥記先有這樣的服務態度。仲要幫我睇埋車(怕我畀人抄牌)。我在餐廳的45分鐘裏面，見到他們對待本地人、外國客人和大陸遊客，服務態度一致和良好。有位老婆婆街坊進入嚟時，夥記更叫佢慢慢行和帶路，唔好心急。老闆娘也叫得出常客的名字，甚至乎問做乜咁耐唔嚟。我們兩人食淨飯餸時，強哥親自幫我們打包（以上的種種良好服務，要記得是我們在晚市繁忙時段內）。好耐未試過喺香港的茶餐廳或小廚，遇上這樣五星級酒店的服務。每個人埋單時，老闆娘都微笑地多謝我們，叫我哋下次再來。近年喺香港食咗咁多間茶餐廳，其實我覺得啲夥記冇西我面/畀說話我聽已經好好。如果其他餐廳可以可以好似銓滿記咁，我諗好多餐廳都唔會執笠，或者畀人和深圳的去比較。最後食物方面，屬於中上，豬手幾好食，煲仔飯也不錯。不過如果食煲仔飯記得加七蚊要埋個懷舊豬油

在旺角逛完街八点多路过这家店，好多人！真是越夜越high，这个点还这么多人，想着应该不错，进来试试。问了才知道晚餐才有招牌煲仔饭🍚陈皮龙炖鱼煲仔饭上面铺了满满一层鱼肉，热气十足。店员现场帮你铲锅巴，厉害了完完整整一个头盔，又脆又香。淋上酱油汁搅拌均匀，配上大大块鱼肉超满足。🐟豉汁蒸大鳝这是我吃过最大的鳝鱼了！一整条厚切，豉香浓郁，观看卖相就很馋，吃下去Q弹紧致的肉质好入味，爱了～🔥麻辣鸡煲仔滋滋滋的煲仔，鸡肉弹牙入口火辣辣超开胃！菜量都好足，两个人两道菜根本吃不完，煲仔饭配汤和蔬菜，饮品可以试试这家的红豆饼，清清爽爽很夏天

老闆娘熱情又好客附近街坊都當食堂了我帶上朋友又來到這家了是懷舊餐廳香港老字號老地方情懷味道一如既往的好吃今日晚餐就揀佢【陳皮龍躉球煲仔飯】龍躉比碗還要大塊，放了陳皮去腥，飯都是龍躉的鮮味，重要的是飯粒粒分明，還有一個完整的帽子飯焦【尚品麻辣雞煲】麻麻辣辣，辣度屬於小辣，很有風味，醬汁也是做得很好，配料也很入味，雞肉更不用說的一如既往好吃🤤【鼓汁蒸大善】必必點呀🌟🌟一上菜就很驚人，是厚切大善，超彈多汁，就連續吃了幾塊，抵擋不住這麼鮮美的誘惑😋😋分量大不在說，老闆娘還說每天都吃新鮮，因為街市就在隔壁，煲仔飯送的這個老火湯【🌽🥕南瓜煮骨湯】很不錯，超濃郁，湯料足，煲的湯都不一般。下次還是會再來的👍👍💯【 新銓滿記餐廳小廚 】📌旺角新填地街419號萬福大廈地鋪

每人平均百多，煲仔飯好食，但最驚喜係魚片頭，炸完之後仲係好多汁，入面嘅魚旦好滑身，而家件件魚旦頭都大份，又有6-7件，好食夾大件另外有叫到龍躉片煲仔飯，價錢唔平，但啲魚都叫滑同大件，本身唔好魚都覺得好食

之前同鄰居嚟過食煲仔飯，覺得超香口卜卜脆好好味。撞啱有另外一個鄰居生日又係天氣最凍嗰日，就決定嚟呢度食煲仔飯。可能天氣凍，實在太多人。但係又想做晒咁多客嘅生意四人枱加張變六個人坐。隔離張四人枱要歸邊坐，但兩夫妻都大件。繁忙時間明白嘅，但係侍應開嗰條件就係話叫套餐嘅話就俾晒成張枱，最後隔籬枱對夫妻起身走咗冇食。講返今次個煲仔飯先，可能太多客太多單，啲飯焗得唔夠乾身，不過好彩三煲有一煲個都仲有卜卜脆嘅飯焦。個沙嗲牛肉粉絲，就唔多建議叫啦。如果大家有興趣可以自己親身試吓睇吓接唔接受到。生日嗰個話要食魚翅撈飯，個人就唔係咁喜歡啦，不過如果大家想試嘅話都不妨可以試吓，始終各人口味不同。嗰個大鱔煲仔飯，鄰居話冇上次咁好用，呢啲隨機嘢真係睇吓你好唔好運。差啲漏咗，個湯都係幾好飲，好似落咗北芪真係幾有料。

奉勸大家22:30後千祈唔好嚟食。。。食到一肚氣😠食物可以接受，但唔到話好食係OpenRice睇到呢間嘢收24:00，見到都有d好評，所以就揀左食佢，去到餐廳入門口當時係22:43，講last order要叫埋嘢食，要收工好正常，一路行入去坐低，睇餐牌都一直不停重複講就收工要快d叫嘢食，起碼講左5,6次就收工，落咗order佢要收錢埋數都好合理，到23:30仲有dd未食哂，又嚟講要收工，問d嘢收得未，見佢咁趕就叫佢收啦，仲有人食梗自己個碗嘅食物，佢就係度抹枱，大佬衛生d啦，等人食埋先抹丫，收24，23:30就係咁趕人走，咁趕收工嘅就唔好接呢枱客啦，你唔做我咪食第二間囉，唔使用呢啲咁嘅手法，到最後行出門口應該係23:40，呢世都唔會再食呢間餐廳。👎🏻完

去完尖沙咀做完嘢，跟住鄰居啱啱放工就相約一齊去食晚飯，但係又唔知喺尖沙咀食乜好。最後落返旺角食煲仔飯。呢間餐廳成日放工都會經過，但係完全唔會諗住入去食。因為夜晚係唔食飯，今次都係膽粗粗去試吓。九點幾入到去又比想像中多人喎。嗌咗兩個煲仔飯一個係大蒜一個係海蝦，各大聲啲肉幾肥美又夠厚身，啲蝦肉都好爽，個蝦頭啲膏仲好好味。今日都有少少Don Don地飲埋個暖湯就成個人舒服晒。不過唔知係咪兩個都係海鮮，可能冇乜肥肉，冇加臘腸嗰煲，感覺飯就比較乾身啲，我就冇乜所謂，因為幾有咬口最鍾意食飯焦超大塊，不過食到牙骹有啲軟，性價比都幾高，我覺得短期內我都會再幫襯。

天氣凍凍地食番個熱辣辣煲仔飯先。黑松露窩蛋免治牛肉飯 黑松露既香味 噴鼻而來，將面頭個窩蛋整開，蛋黃慢慢流出連埋又嫩又滑既牛肉 一齊食好正 。食到差唔多既時候，伙記仲走埋嚟教我哋點樣食埋個飯焦 ，兩三下手勢就刮起左成個飯焦。平時我會加煲仔飯既甜豉油，伙記建議好似兩面黃咁既食法，加砂糖黎食，又唔錯喎。

近日天氣轉涼就梗係去食下煲仔飯啦😜朋友介紹左呢間就即晚去試下，味道唔錯，而且招呼周到，煲仔飯既選擇都多，而且都有好多小菜食。最吸引我就係因為佢有海鮮煲仔飯😍包例湯同一碟油菜🥬叫左一個同埋，扇貝都有3大隻😍，賣相吸引到我，配埋啲蒜蓉加粉絲，粉絲都岩岩好夠既，如果可以再多啲會更好，再加啲豉油😍啲海鮮味入晒係飯入面，咁我自己唔係特別鍾意食飯焦，咁岩我個碗都唔算多，所以我自己覺得更加好食👍🏻👍🏻👍🏻至於價錢方面都合理既又包湯又包碟菜🥰可以再encore😛

已經有半年多沒有到此進餐，近日秋風起，加上早一陣子在電視飲食節目中，有介紹香港特式煲仔飯，我便心思思，成日想食煲仔飯。剛才今晚打算和家人（3人）外出食飯，我便提議到旺角食煲仔飯，一想到煲仔飯，我第一時間便想起「銓滿記」！☺️今晚6點半左右入座，剛好有卡位，我哋三人點了一個「鼓汁大鱔保仔飯」送老火湯及油菜一碟，再點多一個「龍躉煲仔飯」，都係送老火湯及油菜。最後再點了一個「沙嗲粉絲牛仔骨煲」。先上台是「老火湯」，湯底好濃郁，而且真材實料！好味😋！之後便到「牛仔骨煲」上場，熱🔥呼呼的，煲內更有菠蘿粒，青椒🫑粒，黃椒粒，紅椒粒，很野味，味道不錯👌。到期待已久的豉汁大鱔煲仔飯上台，職員好好的幫我們放第一次鼓油，之後提醒⏰我們要再焗幾分鐘先好開蓋，因為要焗靚飯焦！我們一打開，香噴噴的！見到已經食指大動！哈哈😄！第一碗飯，加醬油，好食！大鱔都新鮮，口感不錯👍🏻讚！接著，到「龍躉煲仔飯」，魚都是好新鮮！好味😋！魚下面還有一層粉絲，吸收了魚的汁，好食！油菜都灼得很好，因為，我本身好怕外出食飯食油菜時，很多餐廳都會把油菜灼得過熟！但這一間油菜，食落去的口感是爽脆的！十分好！😙食飽飯之後，其實都已經好飽！但，

窩蛋免治牛肉飯🥘配油菜🥬（生菜🥬）+老火湯 $84免治牛肉有啲驚喜，因為我麻麻地免治牛肉😂，呢個似自己整，有牛肉的口感🫡，但佢醃得麻麻，得鹽咁🤔飯🍚煮得幾好，唔會太硬太林；飯焦好食🫰🏻，要撈埋蛋同鼓油（鼓油就麻麻，太甜😂）🙌🏻油菜🥬就正常水平吧🤫老火湯果日係蓮藕、紅蘿蔔🥕、眉豆、豬肉湯，幾好似，飲得出煲左好耐🫡，而且啲湯渣都煲到爛曬，幾真材實料👍🏻份量都幾多，可以兩個人食🙌🏻，因為2個人食價錢圍番就幾抵🤭分數：？/10食物🥘：7/10環境🏞️：6.5/10服務👩🏻‍🍳：7/10價錢💰：7 /10

九龍區提起煲仔飯，多數都諗起廟街，但其實好多茶餐廳都有煲仔飯食，今次呢間岩晒鍾意食飯焦既朋友仔煲仔飯會跟例湯同油菜，例湯不得了，飲得出係真材實料去煲，同自己屋企煲既味差唔多⭐️古法田雞煲仔飯 $84煲仔飯送到之後落豉油，再焗多一兩分鐘就食得，田雞份量都足，肉質滑，幾惹味，飯焦焦香得黎唔痴底，正。⭐️窩蛋免治牛肉煲仔飯 $84呢個就正常發揮，唔會話好大驚起，但因為隻蛋好快熟晒，所以唔駛諗住係滑蛋😂😂😂