baby café (已結業)

之前试过i~square间baby cafe食，觉得环境好好，坐得舒服，而且食物水准不错，今次就去了旺角的分店试试，比想像中失望，先讲讲环境，张枱超逼，想叫多两样菜都惊唔够位，仲要同隔离枱贴住坐，其实佢倾紧咩，我都完全听到晒， ，所以我都唔敢咁大声讲嘢,要同姊妹围埋讲是讲非，最好唔好，但同男友拍拖可以，够晒亲密。食物质素都算可以，点咗份鸡翼，但份量很少，只有两只开边的鸡翼，味道还可以，酥皮龙虾汤，个酥皮唔似酥皮，好似一块面包放系汤面咁，亦都唔酥唔脆，个汤味道适中，再浓一点会更好，份深海鲈鱼最掂，又够厚身，又煎得刚刚好，又滑又嫰，一切落去，见到d鱼汁溢出，我都跟住口水流,配沙律酱虽然好似心思欠蓬，但味道都算夹，个seafood risotto都不错，饭身软硬适中，味道再浓点会更好待应一开始都会提醒你如果人多，个半钟就要收枱，虽然佢地一直都礼貌的，但就好似有心理压力，食完都即刻交枱，而且觉得改过餐牌，原本想试下baby三食的，但好像没有了，现在餐牌上都是一些较大路的菜单，少了之前的创意，惊喜欠蓬，但品质可以，没有了那种想再去多次的冲动