糖堂私房甜品專門店

营业中

休息中

食完饭，同朋友倾到兴起，于是揾糖水舖坐低继续倾，以前记得黑布街好多甜品架，依家得返呢间，入去试吓啦。10点几，入边都算多人，一开始以为要等，咁啱有枱人走，所以即刻有位👍一打开menu见到木桶豆腐花，于是叫咗一个试吓，朋友叫咗心太软。 豆腐花好快到，首先卖相麻麻地，见佢冇用盖擒住就知道唔对路（因为我幻想嘅木桶豆腐花系擒住盖，另外会有个计时器等15分钟开来食𠮶啲），原来佢唔系即使用石膏粉撞𠮶啲，但系都唔紧要啦，好味就得。点知一食落去，一啲都唔热，口感吾滑，而且好「鞋」。朋友叫嘅心太软反而几好食，流心做得好。总括而言，豆腐花真系好失望，但系心太软加返少少分。而且老细好Nice，职员都几有礼貌。希望佢嘅豆腐花会改善啦。