Simplylife Bakery Cafe (已結業)

今晚一如既往帮衬simplylife，晚餐点了个羊膝配薯蓉及鸡胸阔条面。跟餐配上蕃茄汤和面包，再加一杯鲜果茶!!愉快的晚餐后男友提议点一个甜品，因为都饱饱地所以就出去拣一片蛋糕。见有朱古力千层班戟和红莓千层班戟，见在柜内卖相唔错，又心想红莓千层班戟未试过，咁就一于点红莓千层班戟喇!!点知，个班戟一上枱，只见碟面湿湿的，个班戟溶溶的。撕走蛋糕纸后，只见班戟似在溶化中……跟著一切落去，整片班戟散哂，简直惨不忍睹。口感又冻又酸，班戟皮唔幼滑，好似雪咗好耐硬硬咁，可能有生果系入面，整个班戟湿湿的。大约$38唔算贵，但实在令人失望。同男友快快食完了事。下次唔会再食，食番蛋糕就算了。其实simplylife食物一向唔差，呢个班戟简直是劣作，唔好再卖以免影响自家品牌。