釜之魂釜飯專門店 (淘大商場) (已結業)

趁住假日同妈妈黎到九龙湾行宜家家私，添置返d新家具，顺道黎试下新开无耐既釜之魂釜饭专门店。釜之魂主要系食釜饭为主，而釜饭同丼都系由日本引入，感觉上有点像煲仔饭，釜之魂淘大商场3期地下，见到大大条既金色鳗鱼就对了。因为纯粹想过下口瘾，所以唔叫得好多。金魂 $118金魂、银魂系釜之魂既主打，我叫既系金魂，两款同样以鳗鱼为主角，分别在于煮法，我叫既金魂系以常用既鳗鱼汁酱烧，再配以饭底同埋杂菜。鳗鱼都唔差，肉都厚身，味道就不过不失吧，但整体黎讲味道有点太淡味，味觉无咩太大既冲击，就有点像蒸饭吧，个人就不太喜欢。吉列牛舌 $18吉列牛舌感觉几特别，外面炸得多脆既，牛舌都几大件，但肉质就稍为硬左小小。总括黎讲系有点失望，似乎唔系我钟意既菜式，但价钱都可接受既，又不算太贵。