稻香 (已結業)

成家人晨早流流打算饮个茶，近近地就去左呢间稻香。点知⋯⋯先讲啲仲正正常常既先，个煎虾米肠系油左啲但都仲入到口，佢似煎完摆左阵先出，所以个皮有啲韧。个南乳鸡脚都系正正常常冇乜特别。跟住就黎到精彩一part，话说阿姐上腐皮卷时冇喼汁，问佢拎时佢黎手就倒晒上个腐皮卷到，好不幸地我地当中系有人唔多好喼汁(𠮶个就系我😂)咁当冇事照食啦，一夹起旧腐皮卷——我已经知佢下面啲油可以再返镬煎多碟腐皮卷。入口时真系觉得自己把口啷过油😂睇戏我就睇过啲演员爆肚，旧粉果一上枱就爆肚我就真系第一次见😂唔知佢系咪觉得有野好好笑所以笑爆肚？呢盘野⋯⋯er⋯⋯我唔记得左佢系咩名，好似系关发财好事𠮶啲吉利野事，所以系有发菜蚝豉同猪脷。但唔知点解除左猪脷紥到个稳马步之外，其他料都相继堕马，仲要好似打风咁歪埋一边，而我几相信当日系风和日丽的。其实千色汇真系有好多茶楼，估唔到自己会拣上呢间，当系去左个奇妙世界算，但系时候出返黎😂但稻香真系要加油💪唔系好难打上下左右啲酒楼喔！