芽莊越式料理

营业中

休息中

同同事去moko食饭，见好耐无食越南嘢就冲咗入嚟。餐厅都算开扬，食个靓午饭绝对无问题。懒懒地叫咗两个午市套餐($89)，不连餐饮。落单时问店员餐饮可唔可以转做越南「热」咖啡，佢话唔得，咁我哋就话唔要餐饮，佢话转头先叫餐饮(餐牌果4款)无得再享用加18蚊嘅优惠，要俾返正价价钱，咁都得?!唔俾人食食下先叫嘅~香茅鸡翼炸得香脆，不过一食落就好大阵雪藏味。香茅串烧猪颈肉啱晒我哋呢啲食肉兽，啖啖肉，好多油份，亦有好香香茅味。河内鸡丝汤粉汤底唔算太多味精，但得几条鸡丝。一碗汤粉要有嘅嘢佢都有齐，不过不失。镬仔牛柳粒饭(+$18)加咗钱果然唔同啲。超多嫩滑牛柳粒，仲有细细粒嘅蒜头，都算好味。