MOONKOK (K11 Art Mall) (已結業)

同朋友食完晚饭后意犹未尽，想食下甜品饮杯野，但附近好多舖头都已经收档（10点），难得呢间望落不错，门口个经理话收12点，我地讲明只系饮野及食甜品，经理话无问题咁就好啦试下。一坐低唔够2秒，我连menu都未望清（4人只比了两本menu），侍应A已经急不及待以背书形式sell 贵价item。我话唔该比小小时间我望望先，侍应A 唔知系咪怕我地斋坐唔叫嘢，或公司要求客人每分每秒都要消费，就又问我地要唔要sparkling/distilled water。救命，我入黎饮酒点解会想叫水？就咁来来回回应付侍应A都用左几分钟，而我真心连menu都未望到点落单？我再强调比小小时间，佢就真系成个人栋系度等你叫野！极奇怪！一轮纠缠下好难先打发开侍应A，点知唔够2秒啊侍应B又立即上前，态度一样地木讷但进取，又loop一次sell贵野。最后我真系有d火，我话你地d服务好奇怪，佢话咁可能我地服务唔适合你，咁好啦我算啦，立即转参场。未落单都都一肚火，完全唔想帮衬。