影片
更多
2010-11-18
有人话依间好多人要挂队，book咗位都要齐人先入得，问晒D friend几点到就照打去book位。晚上我同几个到先就通知侍应谂住博一博可以入去先，佢就话人未齐唔入得，要齐人，我就话5分钟后到齐，佢就好似录音机咁重覆讲"人未齐唔入得"，漠视客人的要求，仲搅到我一个friend燥底，黑面。食完甜品，就坐多阵吹下水(未嗌过埋单)，点知应该系部长级嘅侍应从后"鼠"出，攞出收据要求我哋俾钱，我哋异口同声就话未嗌埋单，佢只好行开，搅笑嘅系喺我哋后面用对讲机骂另一个侍应搅错D嘢，我哋完全听晒，我估佢系见我哋食完就催我哋埋单走，做多枱客，点知出丑咗就卸膊等自己可以落台！小插曲讲完，讲番食物，嗌咗7个，大致都系水准以上，弥补咗小插曲的不快！ 小笼包 - 一笼四粒，大细适中，咬开个顶，饮下里面D汤，算多同味浓，但以依间的出名程度，块皮就略嫌厚咗D，唔够薄身，唔能够透现里面肉汤的情况！ 鲜肉锅贴 - 出面食嘅锅贴都唔会咁够肉汁，所以我就唔太留神，但却令我出丑。一碟四件，每件都好饱满，放入口一咬，异常多嘅肉汁就喷出嚟，喷到枱中间的位置，再咬大力D有可能喷到对面个friend只碗里。个friend见到就醒目，边
小插曲讲完，讲番食物，嗌咗7个，大致都系水准以上，弥补咗小插曲的不快！
小笼包 - 一笼四粒，大细适中，咬开个顶，饮下里面D汤，算多同味浓，但以依间的出名程度，块皮就略嫌厚咗D，唔够薄身，唔能够透现里面肉汤的情况！
鲜肉锅贴 - 出面食嘅锅贴都唔会咁够肉汁，所以我就唔太留神，但却令我出丑。一碟四件，每件都好饱满，放入口一咬，异常多嘅肉汁就喷出嚟，喷到枱中间的位置，再咬大力D有可能喷到对面个friend只碗里。个friend见到就醒目，边咬边索汁！
担担面 - 一大碗可以分到四人每人三四啖。除了好香花生味，花生粒同虾米粒的衬托外，还有一点点隐隐约约嘅麻辣味，唔重，并且带点醒胃嘅作用。
手抄饼 - 实物与相片不符。相片精致，实物就欠缺整理，卖相欠奉。食落就似葱油饼同酥皮嘅混合体，少脆同淡口！
脆鳝 - 全晚至最！将鳝切到手指般的长度及粗幼，落镬炸至脆身，最后落入带有蜜糖味的汁快炒几下上碟，每条都好脆身，蜜糖味适中，唔会过强，小食超过瘾，只系嫌鳝味被盖过。
锦卤锅巴 - 忘记了名字，超脆口嘅锅巴，配上类似锦卤云吞嘅汁，酸酸甜甜，又有虾同洋葱粒，几match。只系将锅巴浸得太耐的话，锅巴会发胀，唔再脆口，食得无咁开心。
香蕉高力豆沙 - 好重嘅豆沙配上一片嘅香蕉，晚餐的最好总结！砂糖系另上，并且系用幼粒砂糖，要几多洒几多。
唔系服务奇怪，笑脸就走一定有，可惜！
张贴