高妹小食 (已結業)

放工约咗朋友喺旺角食饭， 好好彩今日可以早放工， 可以早啲落去旺角行下街。 因为实在太早喇， 好肚饿又未到约咗朋友嘅时间。 唯有喺附近揾下小食 ，广华街附近特别多嘢食。 本来想平平哋食串鱼蛋， 龙x 系十蚊十粒， 呢间高妹小食又系十蚊十粒， 就系因为龙x个姐姐唔理我, 而高妹小食嘅姐姐好热情。 咁我就中咗伏喇🙄🙄🙄🙄🙄🙄鱼蛋系畀足十粒嘅， 但系十粒鱼蛋里面有三种唔同嘅质感🤦🤦🤦最深色𠮶粒系最奇怪， 完全唔弹牙， 好似煮到过晒火冇晒筋性。最浅色𠮶只中间比较弹牙少少， 但系外表好淋😣😣总之就系古古怪怪，质感好奇怪。。。。。咖哩味系零， 完全感受唔到咖哩味。 只有少少辣味。虽然十蚊一碗鱼蛋我对佢冇乜期望， 但系可唔可以正常少少， 普普通通就得㗎喇。