高妹小食 (已結業)

食完晚飯經過廣華街一帶，見一底雞蛋仔價錢平平地，買左一底同朋友share食，味道正正常常，不過不失，但略嫌蛋味欠奉。過下口癮就算，要好食嘅都係俾多少少錢幫襯其他小食店。

放工約咗朋友喺旺角食飯， 好好彩今日可以早放工， 可以早啲落去旺角行下街。 因為實在太早喇， 好肚餓又未到約咗朋友嘅時間。 唯有喺附近搵下小食 ，廣華街附近特別多嘢食。 本來想平平哋食串魚蛋， 龍x 係十蚊十粒， 呢間高妹小食又係十蚊十粒， 就係因為龍x個姐姐唔理我, 而高妹小食嘅姐姐好熱情。 咁我就中咗伏喇🙄🙄🙄🙄🙄🙄魚蛋係畀足十粒嘅， 但係十粒魚蛋裏面有三種唔同嘅質感🤦🤦🤦最深色嗰粒係最奇怪， 完全唔彈牙， 好似煮到過曬火冇曬筋性。最淺色嗰隻中間比較彈牙少少， 但係外表好淋😣😣總之就係古古怪怪，質感好奇怪。。。。。咖哩味係零， 完全感受唔到咖哩味。 只有少少辣味。雖然十蚊一碗魚蛋我對佢冇乜期望， 但係可唔可以正常少少， 普普通通就得㗎喇。

好嬲囉今日去廣華產檢，等到肚餓就落去買左底雞蛋仔，香係幾香既，一食落口先發現個雞蛋仔完全冇味都算啦，仲要有陣酸味！！！！！！好明顯係用變壞左既蛋漿去整！！！！！！！十蚊雞唔好食都算，都唔好用變壞既野啊大佬！！！！！！！諗住粗粗地填飽個肚點知中大伏🙄🙄🙄最嬲既係係好肚餓既時候以為見到綠洲，點知係空歡喜一場！！！！！！！！！真係以後都唔會再幫襯哩間野！！！！！！！！！！！！！！！！！！！！！！！

好少係香港見到有芝士熱狗，$15..咪買黎試下...再加串炸鮮奶、$12有3粒，冇影到相炸鮮奶....我冇食過其他...唔知真正炸鮮奶係點，但依個一舊粉咁，得少少甜，奶味都冇完全食唔出邊度有奶芝士熱狗直頭係垃圾！完全冇芝士味，連芝士既形態都冇，得d黃色漿就叫芝士？！邊忽芝呀！我係第二度食，就算好淡芝士味都仲有芝士既形態，但依個係完全冇！難食到咬左兩啖就扔左！冇吐出黎已經好俾面，究竟賣果個有冇試食過？？？