鐵板一 (裝修中)

第一次写食评，觉得餐厅政策奇怪，态度欠佳。用openrice book左lunch 13：30, 但早到左，大概13：05上到门口，眼见都有至少三张枱冇人坐。同侍应讲book咗枱，佢话因为我哋早到咗未够钟，如果而家入座就会冇咗openrice优惠。好啦，咁都差少少又唔赶时间企门口等（门口位其实好窄一出䢂就已经系），等𠮶阵都觉得自己好阻住，但侍应又唔畀人入座。心谂可能真系有人reserve左枱，但未到。（不过都得返25分钟，到底够时间上菜定食野？）咁啱有walk in客入嚟，佢一问侍应话有冇位话系walkin冇订枱，人地又比佢即刻入。结果够钟到我哋入嘅时候佢只系喺其中一张枱拎开个reserve嘅牌（一直都冇人坐），但就真系未够钟都唔畀我哋入座。如果你入机要睇时间先可以有优惠，其实唔紧要，但至少畀个客入去坐住先啦？一啲都唔识得弹性处理。食物方面都系普通传统扒房嘅味道=强力嘅松肉粉。 个人就可以接受嘅，不过同行朋友就觉得冇咩牛味。