必勝客

营业中

休息中

假日约左屋企人食饭，本来唔想食pizza的，细表妹坚持要食，神早11点几就去，都唔使等位，好耐前系其他pizzahut单点左5份龙虾汤，厨师大佬失手应该落左2次盐，咸到死，跟住退晒5份龙虾汤，就无点过，我地都叫左套餐，跟餐有汤+包或者沙律（我地沙律同汤各2份），饮料，主食，最贵先70蚊，好抵食，帮表妹叫左个至尊厚批+可乐（好似可乐可以续杯），屋企人分别叫左西班牙海鲜炒饭+冻奶茶同海鲜墨汁意饭+热奶茶，好多料（西班牙海鲜炒饭我试左一口，好味，屋企人话冻奶茶茶味同奶味都无唛，唔好饮），我就叫左鸡皇墨汁意饭+冻柠茶，我地3个大人食3个饭都食唔晒，我姨食左2口就打包左个西班牙海鲜炒饭啦，佢地2个人食一个海鲜墨汁意饭都有剩，我自己食一个鸡皇墨汁意饭又系剩一半，我的鸡皇墨汁意饭有D甜甜的感觉，有奶油，所以有D“济”，其实我地3个人叫2个餐就啱啱好，我表妹食左跟餐的3块包同1块pizza，剩低的都打包啦总体套餐量好足，味道唔错，态度OK，total埋单+1后292.6蚊