泰豊廔酒家

营业中

休息中

同朋友聚会吾系中餐就系西餐，今次转下口味食京菜。之前book咗枱，去到唔使等就有位。铺头装修怀旧，相信老板好有人情味，仍然顾用老当益壮嘅伙记。见到个四人餐份量唔算少，最紧要系有片皮鸭同赛螃蟹。我哋一行五人，就拣呢个餐，方便唔使谂。 餐前小食外观酷似韩国泡菜嘅腌菜酸酸甜甜哋醒胃，花生酥脆。三丝伴粉皮粉皮几滑，加埋爽脆青瓜丝同酱汁，吾错。葱爆牛肉朋友吾食羊肉，伙记好窝心提议转牛肉。大厨师爆到好够火候好香口，但牛肉仍保持嫩而不干。赛螃蟹嫩滑嘅赛螃蟹加埋醋好好味。菜肉水饺水饺皮滑，菜肉馅料比例均匀。 北京填鸭最欣赏片皮鸭，师傅以纯熟嘅刀法系客人面前表演。每一片都好均匀，粉皮烟韧再加埋京葱、甜酱汁，口感丰富而不腻。鸭架子汤啖啖浓汤充满鸭肉香味，加埋冬瓜嘅鲜甜，份量相当多。高力豆沙松软热辣嘅高力豆沙，唔太甜，就系豆沙馅少了些。套餐份量可供五位享用，食完都唔会觉得好漏。