越火越式湯粉 (已結業)

今日去西环探朋友，一齐揾间餐厅求奇食，朋友介绍呢间餐厅既晚市套餐几抵食，又大份，仲唔使加一。。$108餐真系几抵咁，包括：主食、小食、沙律、特饮。主食我地择左（香茅猪扒汤河）同（生牛肉汤河），汤底好掂👍🏼牛骨汤香味扑鼻，生牛肉整得岩岩好，够滑嫩。香茅猪扒分碟上，够脆又juicy。。小食择左春卷同炸虾饼，炸虾饼要另加+$8 ，炸物好正，全部都好好食。凤爪沙律同扎肉米纸卷每样一件，个人较喜欢个扎肉米纸卷，好清新咁。凤爪沙律就有少少辣辣地。。饮品真心抵，跟餐包埋椰汁冰青柠薄荷梳打，大大杯好抵饮。